Dau grant wedi’u!

Dau grant wedi’u dyfarnu i wella’r mannau gwyrdd yn Llanbedr.  

Rydym yn falch iawn o ddweud bod Cyngor Cymuned Llanbedr wedi bod yn llwyddiannus yn ei gais am grant ‘Symiau Cymudol’ Cyngor Sir Dinbych. Mae hyn yn golygu, ynghyd â’r arian a roddwyd i’r neuadd, bod yr holl arian oedd ar gael wedi’i ddyfarnu i’r pentref. Y ddau brosiect y mae gan y Cyngor Cymuned gyllid ar eu cyfer bellach yw:

Hen Eglwys Sant Pedr

Mae hwn eisoes yn lle arbennig ac annwyl iawn. Bydd y grant yn talu am atgyweirio’r beddrodau bocs, sy’n dirywio’n beryglus, gwella’r llwybrau, cael arwyddion newydd a mwy. Bydd hyn yn helpu i wella mynediad i’r hen eglwys, a’i mwynhau, ynghyd â chyfrannu at waith arall a gwblhawyd eisoes – megis plannu blodau gwyllt.

Yn ogystal, mae’r Eglwys yng Nghymru – sy’n berchen ar y safle – eisoes wedi cytuno i fwrw ymlaen ag atgyweiriadau i’r adeilad ei hun, gan gynnwys tynnu eiddew a phlanhigion eraill, ac ail-bwyntio’r gwaith cerrig.

Y Goeden Heddwch

Mae’r Goeden Heddwch mewn sawl ffordd yn ganolbwynt i’r pentref. Bydd yr arian yn talu am docio hanfodol i’r goeden ei hun, gwelliannau i’r fainc a’r rheiliau, arwyddion newydd, llwybr newydd a mwy.

Rydym yn falch iawn ein bod wedi derbyn yr arian hwn i helpu i wella’r mannau gwyrdd yn ein cymuned.