Cyngor Cymuned Llanbedr
To be advised
Clerc y Cyngor Cymuned
Mae tair elfen i waith Cynghorydd:
- Gwneud penderfyniadau – Drwy fynychu cyfarfodydd a phwyllgorau gydag aelodau etholedig eraill, mae Cynghorwyr yn penderfynu pa weithgareddau y dylid eu cefnogi, ar beth y dylid gwario arian, pa wasanaethau y dylid eu cyflenwi a pha bolisïau y dylid eu gweithredu.
- Monitro – Mae Cynghorwyr yn sicrhau bod eu penderfyniadau’n arwain at wasanaethau effeithlon ac effeithiol drwy gadw golwg ar ba mor dda y mae pethau’n gweithio.
- Cymryd rhan yn lleol – Gan eu bod yn cynrychioli’r gymuned, mae gan gynghorwyr ddyletswyddau tuag at eu hetholwyr ac at sefydliadau lleol.
Yn aml, mae’r cyfrifoldebau a’r dyletswyddau yma’n ddibynnol ar beth mae’r cynghorydd eisiau ei gyflawni a faint o amser sydd ganddo. Gallant gynnwys:
- Mynychu cyfarfodydd sefydliadau lleol megis cymdeithasau tenantiaid.
- Mynychu cyfarfodydd cyrff sy’n effeithio ar y gymuned ehangach.
- Ymgymryd â materion ar ran aelodau’r cyhoedd.
- Cynnal cymhorthfa lle gall preswylwyr godi materion.
- Cyfarfod â thrigolion yn eu cartrefi eu hunain.
Mynychu cyfarfod o’r cyngor yw’r ffordd orau i weld beth sy’n digwydd yno. Os oes gennych chi ddiddordeb mewn mynychu cyfarfod, beth am ffonio’r Clerc er mwyn darganfod pryd fydd yr un nesaf?
Faint o amser mae’n gymryd?
Dywed cynghorwyr ran amlaf mai tua teirawr yr wythnos mae eu dyletswyddau’n cymryd. Mae rhai’n amlwg yn treulio mwy o amser na hyn, ac eraill yn treulio llai. Ond ar y cyfan, mae gwasanaethu eich cymuned drwy fod yn gynghorydd yn beth dymunol iawn, gan eich bod yn helpu i’w gwneud yn lle gwell i fyw a gweithio ynddi.
Eich Cynghorwyr
Tim Baker
Cadeirydd
Rwy’n gyfarwyddwr theatr ac awdur yn gweithio ar fy liwt fy hun drwy gyfrwng y Gymraeg a’r Saesneg. Roeddwn yn Gyfarwyddwr Cyswllt yn Theatr Clwyd am ddwy flynedd ar bymtheg. Symudais i Lanbedr o’r Wyddgrug i fyw yn 2009, a deuthum ar y cyngor cymuned pum mlynedd yn ddiweddarach. Rwy’n angerddol am ddod â phobl ynghyd fel cymuned falch a chreadigol ac am wella mwynderau’r pentref.
Dave Ritchie
Cynghorydd
Fe wnaeth fy ngwraig Rachel, Hannah’r ferch a minnau symud i Lanbedr DC yn 2017. Ar ôl ymweld â’r ardal lawer gwaith dros y blynyddoedd, fe wnaethon ni syrthio mewn cariad â‘r lle hardd hwn ac o’r diwedd penderfynu ar y Mudo Mawr. Cyn hynny, bûm yn gweithio i gyngor lleol am wyth mlynedd ar hugain yn yr adran Parciau, yn rheoli prosiectau tirwedd ac adnewyddu adeiladau. Mae gen i brofiad adeiladu cyffredinol hefyd, gan i mi fod berchen cwmni adnewyddu tai. Mae fy ngwraig a minnau’n awyddus iawn i gymryd rhan a helpu cymuned leol y pentref rhagorol hwn cymaint ag y gallwn.
Nick Smith
Cynghorydd
Rwy’n byw yn Willowbank Cottage, rhwng Llanbedr a Hirwaen, ers 2007, ac rwy’n gynghorydd cymuned ers 2017. Rwyf yn gweithio ym maes Cynllunio Gwlad a Threfers 2001. Rwy’n gobeithio cefnogi cyfleusterau a busnesau’r pentref i ffynnu a helpu ein cymuned i barhau i fod yn lle deniadol a hanfodol i fyw ynddo.
Lyn Evans
Cynghorydd
Mi ddois i a’m diweddar wraig a’r mab hynaf i fyw yn Tan y Bryn ym 1984, ac yma y ganwyd ein hail fab. Darlithydd (Rheoli a Marchnata Fferm) oeddwn i i ddechrau, ac yna bûm yn gweithio am 31 mlynedd yn y Diwydiant Cig. Fe wnes i ymddeol 14 mlynedd yn ôl, a thra’r oeddwn yn aros i’m gwraig ymddeol, penderfynais ddechrau adeiladu tai. Rwy’n dweud wrth fy hun bob dydd mai braint yw cael byw yn Llanbedr.